Atzo Karibetik Zumaiako kirol portura iritsitako belaontzian 695 kilo kokaina atzeman ditu Zerga Agentziak. Erresuma Batuko matrikuladun belaontzian zetozen bi lagunak, frantziarra bata eta holandarra bestea, atxilotuta daude. Belaontzia itsasoz eta airez kontrolatuta zeukaten eta Zumaiara iritsi bezain pronto abordatu eta atxilotu zituzten. Kantauri itsasoan inoiz itsasontzi batean aurkitutako droga kopuru handienetakoa da.