Jendetza bildu da Asti futbol zelaian Realaren eta Osasunaren arteko lagunarteko partida jarraitzeko. Bi taldeek ordezko jokalariekin jokatu dute gehien bat, eta azkenean banakoarekin bukatu dute. Talde nafarra jarri da aurretik markagailuan, norgehiagoka hasi eta ordu laurdenera Lekak sartutako golarekin. Ordu laurden geroago, Imanol Agirretxek lortu du berdinketaren gola. Partida amaitutakoan jarraitzaile gaztetxoenek zelaia hartu dute, jokalarien sinadura lortu nahian.
