Maite Bastosek eta Ainere Tolosak, beste hainbat emakumerekin batera, Amantalen ahotsa ikuskizuna aurkeztuko dute ostiralean Donostian, Viktoria Eugenian, 20:00etan.
Amantalen ahotsa ikuskizunak gerrako eta gerra osteko bizimodua nolakoa zen erakutsiko du, emakumeen begietatik, haien bizipenetan oinarrituta. Adineko emakumeen testigantzak -ahotsak.com-ek jasoak- izango dira ikuskizunaren bizkar hezurra eta dantzak, bertsoek, zuzeneko musikak, kantuek zein antzezpenek emango diote gorputza. Ikuskizun artistikoa izango da, hainbat diziplina uztartuko dituena: denera ehundik gora neskak eta emakumek hartuko dute parte.
Partaideak: Agurtzane Intxaurraga, Maialen Lujambio, Oinkari, Laura Martín, Amaia Zubiria, Zaloa Urain_Kokein, Arianne Unamuno, Ain_1 taldea, Sorkunde Idigoras, Arantxa eta Eli Ansa, Mirari Irurzun, Itziar Ituño, Ainere Tolosa, Sara Cozar, Maite Bastos, Naiara Arnedo.