Zumaian sortzen eta biltzen diren hondakinen kudeaketaren inguruko azterketa egin du Garbitania enpresak. Udalak eskatuta, Zumaiako hondakinen azterketa egin du Garbitania enpresak, eta gaur egungo edukiontzietako bilketa eta atez ateko bilketaren arteko konparaketa, eta azken sistema honen bideragarritasuna aztertu ditu. Datorren asteazkenean, irailak 28, 19:00etan azterketa horren emaitzak azalduko dizkie Garbitaniako teknikariek eta Zumaiako Udaleko ingurumen arduradunek herritarrei, Forondan.