Larunbatean eman zaie hasiera Artadiko Samiel jaiei, giro ederrean. Zezentxo eta pottokekin jolastera hamaika gaztetxo hurbildu dira, eta irudi politak eskaini dizkigute. Ondoren, herri kirolen txanda. Artadiko Harriaren X. Txapelketa Alexander Aramendik irabazi du, zortzi jasoaldirekin. Txingetan, berriz, Egoitz Lazkanok egin du bide luzeena: 9 plaza, bi metro eta 40 zentimetro. Sagardo dastatzearekin eta Naiara eta Eneritz trikitilariek alaitutako erromeriarekin amaitu da jaietako lehen eguna. Hemen dituzue harri-jasotze eta txingetako sailkapenak, eta arratsaldeak eman duenaren argazki bilduma: samielak2011.