Kayak modalitateko Euskadiko Txapelketa Irekia jokatzen ari dira Zarauzko hondartzan, Hondar Kayak elkartearen egoitza aurrean; sorosleen egoitzxa parean, alegia. Guztira, 50 kayista inguruk eman du izena proban, eta horien artean, euskal zirkuituko onenak; besteak beste, Edu Etxeberria, Urko Otxoa, Ainhoa Tolosa eta Garazi Iturralde. Goizean, 10:00ak aldean hasi dira kanporaketekin; hurrenez hurren, infantilak, kadeteak, open mailakoak eta emakumezkoak jokatuko dute. Arratsaldean, berriz, finaleko txandak jokatuko dituzte kategoria guztietan. Oraingoz, itsasoa zakar samarra dago eta marea gorantz doa, baina ziur parte-hartzaileek etekinik aterako diotela jardunaldiari.
