Urrian hasi eta ekainera bitartean euskara eskolak emango dituzte Zarauzko AEK euskaltegiko irakasleek Orion, Herri Ikastolaren geletan. Ikasleek bi mailatan aritzeko aukera izango dute: batetik, hasiberrientzako mailan, eta bestetik, Alfabetatze-EGA mailan.
Euskara eskolak astea hiru egunetan izango dira, egun bakoitzean bina ordukoak. Ordutegia, berriz, oraindik zehaztu gabe dago.
Ikasturte osoko ikastaroaren prezioa 340,20 eurokoa da eta eskolen %80ra joaten dien ikasleei diru laguntzak emango dizkie Udalak.
Ikastaroetan izena emateko, Udaleko Euskara Zerbitzura jo behar da. Udaletxeko bulegora jo edo telefono zenbaki honetara deitu: 943 83 03 46, luzapenaren zenbakia: 8. Izena emateko azken eguna irailaren 30a izango da. Informazio gehiago nahi izanez gero ere, jo bertara.