Udalak jakinarazi duenez, 40tik gora dira bandalismoagatik txikituta edo matxuratuta dauden bizikletak. "Zerbitzua zumaiarrona da, denon artean ordaintzen dugu, eta denon artean zaindu beharko genuke", azaldu du Iñaki Agirrezabalaga alkateak. Neurriak hartu beharko direla dio, "horrela ezin baita jarraitu". Bestalde, Herri Eskolako ikasgela falta konpontzeko jarri diren barrakoien gainean, alkateak dio ez dela Udalaren gustuko irtenbidea, baina Eusko Jaurlaritzak ez omen du dirurik beste solairu bat altxa edo eraikin berri bat egiteko. "Espero duguna da pare bat urtean beste irtenbide egokiago bat emango digutela".