Argazkia: Klausser
Larunbatean Orion jokatutako Gipuzkoako Ligako estropada irabazi zuen Zumaia Kiroljokoak, Getaria-Tolosa faboritoari segundo bateko aldea aterata. Zarauzko arraun elkarteak utzitako traineruarekin egin zuten arraun zumaiarrek, eta orain Kontxako Banderarako sailkapen estropada dute helburu, ostiralean. Lehen laurek izango dute bandera bi igandetan jokatzeko aukera. Bestalde, San Miguel Ligan, Telmo Deunek mailari eustea lortu du eta arraunlariak eta entrenatzailea oso pozik dira egindako lanarekin. Ostegunean izango dute hauen Kontxako Banderarako sailkatzeko estropada.