Aiala ZKE taldea utzi eta Pontevedrako Porriño taldearekin fitxatu du Maialen Mujika eskubaloi jokalari zarauztarrak. Bi aste daramatza Galizian talde berriarekin entrenatzen, Abel Estevezen aginduetara. Talde galiziarrak Aiala ZKE-ren maila berean jokatu du orain arte, baina urte ezin hobea osatu ondoren, emakumezkoen lehen mailan ariko da datorren denboraldian Ondorioz, jokalari zarauztarrak goreneko kategorian jokatzeko aukera izango du aurrerantzean.