Beste behin, Balentziaga Museoak ateak irekiko ditu goizaldera arte. Bigarren Balentziaga gauaren baitan, interesa dutenek gauez erakusketa ikusteaz gain, Mikel Unzurrunzaga Makala musikari eta ekoizlearen doinuez gozatzeko aukera izango dute. Zarauztarrak reggae, funk, duba eta hip hop erritmoak eskainiko ditu, ekitaldirako bereziki prestatutako saioan.
Aurrez, Bokado etxeak luncha eskainiko die bertaratzen direnei. 20:30ean zabalduko dituzte ateak, eta sarrerak 45 euroko kostua izango du. 943-00 47 77 telefonora deituta eskuratu daiteke informazio zabalagoa.