Ekobira kontsumo iraunkorraren azoka ibiltariak Zarautzen egin du geldiunea gaur, eta Lege Zaharren enparantza produktu ekologikoez eta iraunkorrez jantzi dute eguerdira bitartean. Herritar ugari bertaratu dira plazara, mota askotako postuak jarri baitituzte; guztiak ere kontsumo arduratsua sustatzeko asmoz, baserriko produktuak, elikagaiak, arropak eta eskuz egindako tresnak ikusi eta erosteko aukera izan dute herritarrek.
Haurrek ere ongi pasatzeko aukera izan dute, eta ingurumenarekin lotutako jolasak eta bestelako tailerrak egin dituzte.
Arratsaldean berriro zabalduko dituzte postuak, 17:00etatik 20:00etara bitartean.
