Barcelona World Race estropada ospetsuan parte hartu zuen Anna Corbellak Dee Caffari ingelesarekin batera. Belaontzi batekin munduari bira egiteko gai izan ziren, geldiunerik gabe. Esperientzia ikaragarri hari buruzko hitzaldia eskainiko du Corbellak Herri Eskolako aretoan, asteazkenean, 19:00etan. Ez da hitzaldi teknikoa izango, bidaiako argazkiz eta bideoz lagundutako abenturaren kontakizuna baizik. Horrelako muturreko esperientzia bat lehen eskutik ezagutzeko aukera bikaina, beraz.