Eduki hau partekatzeko esteka arbelera kopiatu da.
Zumaiako Gazte Asanbladak deituta, bilera egingo dute hurrengo asteazkenean, hilak 22. Bertan, aurreko astean egin zuten bileraren jarraipena egingo dute; besteak beste, udako Gaztetxeko egitaraua eta Gazte Eguna prestatzen jarraituko dute. 22:00etan elkartuko dira, Amaiako plazan.
Antolatzaileek adierazi dutenez, joan zen astean Gaztetxeko ekimenak lotzen hasi ziren; besteak beste, tailerrak, mendi irteerak, umeen eguna, pala txapelketa, ur jolasak edota Mojito Gaua egiteko ideiak izan zituzten orduan.