Iñurritzako Jai Batzordea astebete lehenago hasten da sanpelaioen etorrera iragartzen. Gaur goizean, bederatzietatik hasita, azoka antolatu dute Iñurritzan, eta herriar ugari gerturatu da erosketak egitera.
Barazki, txorizo, gazta, ezti eta artisau lanen postuak jarri dituzte, besteak beste. Artean, haurrentzako marrazketa tailerra antolatu dute frontoian. Haur guztiek jaso dute opari bana, zozketaz.
Eguerdian, txakolin dastaketa egin dute.
Arratsaldean ere izango dira ekitaldiak: Iñurritzako VI. Mus Txapelketa 16:30ean hasita, Mollarri dantza taldearen aurkezpena 17:30ean, eta bertso-triki-poteoa ondoren, auzoko tabernetan.