Kame Musika Eskolak jaialdia antolatu du datorren astelehenerako. 19:00etan hasiko da eta bi saio izango dira. Batetik, hastapen mailako ikasleek emanaldia eskainiko dute taldean zein bakarlari modura. Bestetik, erdi eta goi mailako ikasleek ordu eta erdiko kontzertua eskainiko dute. Hauek ere taldeka zein bakarka eskainiko dute emanaldia. 22:00ak aldera amaituko da jaialdia. .