Zarauzko Udaleko Immigrazio sailak antolatuta, Bidez bide elkarteko kideek atzerriko ikasketa agiriak homologatzeari buruzko hitzaldia eskainiko dute asteartean. Hitzordua 19:00etan izango da, Etxezabalako aretoan.
Jakina da atzerriko ikasketa agiriak Euskal Herrian baliagarri izan daitezen homologatu beharra daudela. Gaiaren inguruan, ordea, zalantzak sortzen zaizkie askori: zein ikasketa mota homologa daitezken, zer egin behar den agiriok homologatu ahal izateko, bizileku-baimenik gabe egin ahal daitekeen…Hori dela eta, Bidez bideko ordezkariek gaia argitzeko informazioa helaraziko diete interesa duten guztiei. Elkarteak eskarmentu handi du halako gaietan; izan ere, doako aholkularitza zerbitzua eskaintzen du agiriok (batxilergokoak, bigarren ziklokoak, ikasketa teknikokoak edota unibertsitate mailakoak) homologatu nahi dituztenentzat.