'Slow food' ekimenaren baitan pintxo lehiaketa egin zen atzo arratsaldean kofradiako plazan. Zortzi taberna eta jatetxek hartu zuten parte eta epaimahaiaren ustetan Marina Berri jatetxeko Mikel Bermejo sukaldariak prestatutako 'Zumaia jaten' pintxoa izan zen onena. Pintxoak modu honetan definitzen zuen sukaldariak: "Beduako tomatedun gelatina, antxoa eta bentreska pikatua, patata aparra, artuzko ogia eta esparrago brotea". Bigarren saria Itzurun tabernak jaso zuen eta hirugarrena Kresala tabernak.