Eduki hau partekatzeko esteka arbelera kopiatu da.
Getaria eta Aiako Indaux enpresako langileak lanuzteak ari dira egiten gaur. Txanda bakotizean bi orduko geldialdiak egin dituzte langileek, enpresako lan hitzarmena berritu dezaten aldarrikatzeko. ELA sindikatuak adierazi duenez, enpresak hiru urte baino gehiago daramatza lan-ituna berritu gabe.
Sindikatuaren arabera, azken aldian enpresako lan karga "hobetzen" ari da. Beraz, langileek euren "eskubideak defenda ditzaten garai egokia" dela adierazi du sindikatuak: "Ikusi dugu enpresaren egoera hobera ari dela egiten; badakigu aberastasunaren zati bat langileena dela, beraz, antolatzea eta mugitzea erabaki dugu".
ELAren arabera, Aiako enpresan egin duten lanuztea "erabatekoa" izan da, baina Getarian "zerbait baxuagoa" izan du jarraipena. Halaber, bihar ere lanuzteekin jarraitzeko asmoa dute langileek. Hilak 9an eta 10ean ere egingo dituzte geldialdiak.