Ikasturte
amaiera gero eta gertuago dugun honetan ohikoak izaten dira ikastetxeetako neska-mutilen jaialdiak eta atzo, astelehena, Ikastolan eta Zaraguetan ikasturtean barrena bertsolaritza lantzen aritu diren ikasleek bertso jaialdia eskaini zuten Ikastolako aretoan.
Gu ere bertsotan proiektuaren baitan LH 5 eta 6. mailako 110 ikasle inguru ari dira Orion bertsolaritza lantzen; Jokin Urangarekin Ikastolan eta Iñaki Gurrutxagarekin Zaraguetan. Bertsozale elkarteak ikastetxeetan eskaintzen du Gu ere bertsotan proiektua eta ikasturtean barrena, euskara eskolen orduetan, bertsolaritza irakasleak gidatzen du gelako jarduna liburu eta ikus-entzunezko material osagarriz lagunduta.
Ikasleak bertsolaritzara gerturatzea da egitasmo honen helburua eta gelan egindako lana ikasturte bukaeran jendaurrean azaltzeko hainbat ekimen egiten dituzte. Batetik, bertso bilduma, ikasgela bakoitzak egindako bertso sorta jasotzen duena eta bestetik, atzo egin zuten bertso jaialdia. Etxeko, ikasle eta irakasleen aurrean kantatu zituzten jaialdirako propio prestatutako bertsoak gaiaren araberako mozorroekin gainera: kirolaz, oporrez, diskotekako parrandaz, lanbideez, koloreez eta herriko pertsonaiez aritu ziren bertsotan han elkartu ziren guztien txaloak jasoz.
Gu ere bertsotan proiektuaren baitan LH 5 eta 6. mailako 110 ikasle inguru ari dira Orion bertsolaritza lantzen; Jokin Urangarekin Ikastolan eta Iñaki Gurrutxagarekin Zaraguetan. Bertsozale elkarteak ikastetxeetan eskaintzen du Gu ere bertsotan proiektua eta ikasturtean barrena, euskara eskolen orduetan, bertsolaritza irakasleak gidatzen du gelako jarduna liburu eta ikus-entzunezko material osagarriz lagunduta.
Ikasleak bertsolaritzara gerturatzea da egitasmo honen helburua eta gelan egindako lana ikasturte bukaeran jendaurrean azaltzeko hainbat ekimen egiten dituzte. Batetik, bertso bilduma, ikasgela bakoitzak egindako bertso sorta jasotzen duena eta bestetik, atzo egin zuten bertso jaialdia. Etxeko, ikasle eta irakasleen aurrean kantatu zituzten jaialdirako propio prestatutako bertsoak gaiaren araberako mozorroekin gainera: kirolaz, oporrez, diskotekako parrandaz, lanbideez, koloreez eta herriko pertsonaiez aritu ziren bertsotan han elkartu ziren guztien txaloak jasoz.