Korronteak eramateko zorian egon zen gazte bat Zarautzen. Atzo gertatu zen ezbeharra. 20 urteko mutila, eguraldi ona zela-eta, uretara sartu zen kanal aldeko eremuan. Korrontea medio, ateratzeko arazoak izan zituen. Inguruan zebiltzan bi lagunek lagunduta atera zen eta bi erizainek zaindu zuten Osakidetzako anbulantzia iritsi artean.
Hiru eguneko epean
Astelehenean Richard Oliveira brasildar gaztea desagertu zen olatu artean. Oraindik ez dute haren arrastorik topatu. Ertzaintzak, Gurutze Gorriak eta Itsas Salbamentuak haren gorpuaren bila darrai egunotan.