Argazkia: Klausser
Handia egin dute Zumaiako jubenilek trainerilletan: Gipuzkoako Txapelketa eta Liga irabazi. Atzo jokatu zen Txapelketa Mutrikun, eta aise bereganatu zuten herrialdeko bandera Jon Larrañagak prestatzen dituen arraunlariek. San Pedrori hamahiru segundo atera zikioten, hogeita bi Getariari, eta minutua eta hamar segundo San Juani. Ligan ere nagusi izan dira. Zazpi estropadak osatu dute lehiaketa, eta seitan irabazle izan dira zumaiarrak. Orain, Euskadiko Txapelketan ariko dira.