Atzo, igandea, Samiel Txiki egunaz gozatu zuten aizarnazabaldarrek, haurrek batez ere. Goiz goizetik jolaserako eta ondo pasatzeko aukera izan zuten horiek. Goizean, eskolarteko kirol finalak jokatu zituzten, esku-pilota, pala, xake eta dama-jokoan. Egun osoan zehar puzgarrietan saltoka jardun ziren haurrak eta arratsaldean Angel Magoaren ikuskizunak aho zabalik utzi zuen ikusle bat baino gehiago. Kupela taldea izan zen, arratsalde-gaualdera, jaiari musika ukitua eman ziona.