Nola erabili internet, erabili ez gaitzaten ikastaroa izango da datorren hilaren 28an, larunbata, Putzuzulo Gaztetxean goizeko 10:00etatik aurrera. “Facebook, Microsoft edota Google bezalako erraldoiek internet saltoki-gune zentralizatu eta kontrolatu bihurtu ez dezaten” ikasiko dute bertaratzen direnek. Hala, interneten erabileraren inguruan, berauk eskaintzen dituen baliabideez eta internet erabiltzeko tresna egokiez hausnartuko dute parte-hartzaileek. Interesa dutenek izena emateko zergatik@goraprotoiak.com helbidera mezua bidali beharko dute.