«Halako jaialdietan beti izaten da armonia musikarien artean»

Amaia Ventas Aldabaldetreku 2011ko maiatzaren 5a
Deskargatu Info Ahotsak :
Español English Français Català Galego

Zurekin Ostalarien elkarteak antolatutako Udaberri Fest jaialdiaren baitan, Gatibu, Berri Txarrak, Esne Beltza, Mantisa, Intro eta Skasti taldeek kontzertua eskainiko dute  etzi, San Pelaion. Bihar, berriz, Anje Duhalde eta Txomin Artola bakarlariak izango dira taula gainean. Horren harira, Gatibu taldeko abeslari Alex Sarduiri (Gernika, 1966) elkarrizketa egin dio UROLA KOSTAKO HITZAk. Biharko alean irakurri ahalko da elkarrizketa osoa. Gogoz al zatozte Zarautzera? Bigarren aldia da Zarautzen jotzen dugula, eta oroitzapen ederrak ditut. Plaza ona da Zarautz. Hori dela eta, ilusio berezia dugu larunbateko saiorako.  Kartelkideak ere onak dira, eta kontzertu aparta izango delakoan gaude. Itxura ona du, egia esan. Urte asko daramazu musika munduan eta halako jaialdi askotan parte hartu duzu.  Zer moduzko esperientzia da? Halako jaialdietan, eskenatokian musikari guztien eta teknikarien artean beti egoten da armonia. Lana bateratu egin ohi da, eta talde batek bestearen edo besteen ardura hartzen du. Norberarena eta besteena. Giro ona izaten da guztion artean, lankidetza eta adiskidetasuna. Hori dela eta, gauzak beti joaten dira ondo, bai ordutegi aldetik, baita giro aldetik ere. Ez da arazorik izaten jendearen artean, eta gutxiago musikarien artean. Bakoitzak bere saioa eskaintzen du, eta jendeak ondo pasatu. Hori da garrantzitsuena. Horretaz gain, kontzertuetarako sarrerak oraindik salgai daudela jakinarazi dute Zurekin [...]

Zurekin Ostalarien elkarteak antolatutako Udaberri Fest jaialdiaren baitan, Gatibu, Berri Txarrak, Esne Beltza, Mantisa, Intro eta Skasti taldeek kontzertua eskainiko dute  etzi, San Pelaion. Bihar, berriz, Anje Duhalde eta Txomin Artola bakarlariak izango dira taula gainean.

Horren harira, Gatibu taldeko abeslari Alex Sarduiri (Gernika, 1966) elkarrizketa egin dio UROLA KOSTAKO HITZAk. Biharko alean irakurri ahalko da elkarrizketa osoa.

Gogoz al zatozte Zarautzera?
Bigarren aldia da Zarautzen jotzen dugula, eta oroitzapen ederrak ditut. Plaza ona da Zarautz. Hori dela eta, ilusio berezia dugu larunbateko saiorako.  Kartelkideak ere onak dira, eta kontzertu aparta izango delakoan gaude. Itxura ona du, egia esan.
Urte asko daramazu musika munduan eta halako jaialdi askotan parte hartu duzu.  Zer moduzko esperientzia da?
Halako jaialdietan, eskenatokian musikari guztien eta teknikarien artean beti egoten da armonia. Lana bateratu egin ohi da, eta talde batek bestearen edo besteen ardura hartzen du. Norberarena eta besteena. Giro ona izaten da guztion artean, lankidetza eta adiskidetasuna. Hori dela eta, gauzak beti joaten dira ondo, bai ordutegi aldetik, baita giro aldetik ere. Ez da arazorik izaten jendearen artean, eta gutxiago musikarien artean. Bakoitzak bere saioa eskaintzen du, eta jendeak ondo pasatu. Hori da garrantzitsuena.

Horretaz gain, kontzertuetarako sarrerak oraindik salgai daudela jakinarazi dute Zurekin elkarteko kideek. Hala, Txomin Artola eta Anje Duhalderen emanaldira joan nahi duenak Euromar, Eguzki eta Ximut tabernetan erosi beharko ditu aurrez, 10 euroan. Egunean bertan lehiatilan erosi daitezke txartelak, bakoitza 13 euroan.

Larunbateko jaialdirako sarrerak, berriz, Eguzki, Txiki Polit eta Ximut tabernetan daude salgai. Aldez aurretik erosten dutenek 15 euro ordaindu beharko dute sarrerako; lehiatilan, berriz, 20 euroko kostua izango du sarrera bakoitzak.

Gizartea

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide