Pagoeta Mendizale Elkarteak Zarauzko Beteranoen X. Ibilaldia antolatu du iganderako. Aurten Aralarrera joko dute, Lizarrusti mendatetik barrena ibiliko dira eta ibilaldia Larraitzen amaituko dute. Lau ordu iraungo ditu. Gerora, Amezketako jatetxe batean izango dute bazkaria, 22 euroren truke. Interesa duenak ostirala baino lehenago eman beharko du izena Mendizabal kinkila dendan. 08:00etan irtengo dira parte-hartzaileak Agoueseko biribilgunetik.