Teatro imaginario antzerki konpainiaren eskutik, Hiru txerritxoak antzezlana izango da igandean, martxoak 8, Lizardi antzokian. 17:00ak aldera hasiko da emanaldia. Sarrerak hiru euroko kostua izango du, eta aldez aurretik erosi nahi izanez gero, Sanz Enea liburutegira jo beharko da.
Hiru txerritxoak, basoan ospe handia zuten hiru musikari ziren. Handitu zirenean amaren etxetik irten eta bakoitzak bere etxetxoa egitea erabaki zuten. Otsoak, musikazale amorratua izanik, hiru txerrikumeen musika taldean parte hartu nahi du. Hiru txerritxoek, ordea, ez dute nondik inora ere onartuko eta parre egingo diote, gainera. Otsoa, gose eta lanbiderik gabe, hiru txerritxoak jan eta taldekide bakarra izatea erabakiko du orduan.