Getariako San Prudentzio auzoan kanpai eta suziriekin emango diote hasiera festei hilak 28an. Ordutik maiatzak 1era bitartean auzotarrak euren zaindariaren jaiez gozatzeko aukera izango dute.
10:00etan piztuko da festa, eta 11:00etan Meza Nagusia egingo dute. Egun horretan, gainea, erromeria egingo dute iluntzean, Izer eta Alabier trikitilariekin.
Apirilak 30ean, haurrentzako ekintzak prestatu dituzte antolatzaileek, eta 17:00etatik aurrera jolasak egingo dituzte auzoan.
Maiatzak 1ean izango da egitarau zabalena: 12:30ean Meza Nagusia egin eta gero, arratsaldean herri kirolen txanda izango da; 17:30ean, Ernesto Ezpeleta Bihurri eta Fernando Mugerza aizkolariak zortzi metroko enborra mozten arituko dira nor baino nor. Halaber, Jokin Eizmendi eta Jose Agustin Landarbide harri-jasotzaileek ere erakustaldia egingo dute.