Arantxa Tapia diputatua eskualdeko erakunde, hezkuntza eta enpresetako ordezkariekin bildu zen herenegun. Krisiaren aurrean
dituzten kezkak, enpresen ahultasunak eta indarrak jarri dituzte mahai gainean eta etorkizunerako lan-ildoak zehaztu zituzten.
Foru Aldundiak Elkarrizketan ekimena du martxan Gipuzkoan zehar, eta horren baitan egin zuten lan saioa. Helburua erakundearen eta eragileen artean hartu-emana sortu eta elkarrekin etorkizunerako jarraibideak zehaztea da. Donostian egingo dute azken jardunaldia, datorren asteartean, eta lan saio guztietan jasotako proposamenak aurkeztuko ditu Gipuzkoako diputatu nagusi Markel Olanok.