Gipuzkoaren jatorria DVDaren aurkezpena eta hitzaldia eskainiko du gaur Nabarraldek Zumaian, Foronda kultur etxean, 19:00etan. Gipuzkoaren jatorriari buruz orain arte zabaldu den tesiaren kontrako ikuspegia aurkeztuko du. Orain arte esan izan da, Gipuzkoa, Bizkaia eta Araba bere borondatez sartu zirela Gaztelan. DVDan, berriz, 1200. urtean konkistatua izan zela, eta nahiko froga badela hori esateko defendatuko dute historialari eta adituek: Jose Luis Orella, Iñaki Sagredo, Idoia Arrieta, Beñi Agirre... Bideoaren ekoizpenak Zumaiaren laguntza jaso du.