argazkia: Gorka Zabaleta
Gaur goizean Gipuzkoako zirkuitoko lasterketa jokatu da Zumaian, kadete mailakoa. 57 kilometroko ibilbidea osatu behar izan dute txirrindulariek, aurrena saihesbidetik bi buelta eginez eta ondoren Zakila Birari hiru itzuli emanez. Ihesaldiek lasterketa bizitu dute hasieratik eta irteeran abiatu diren 116 txirrindularietatik 50 inguru ez dira amaitzeko gauza izan. Bi eroriko ere izan dira azken itzulian. Azkenean taldetxo bat iritsi da tropelari aurre hartuta eta haien artean Ander Alonso nagusitu da. Zumaiarren artean, hiruk ezin izan dute lasterketa amaitu eta beste hirurak tropelean sartu dira.