Olinpiar Jokoak hizpide izango den mahai-ingurua antolatu du Getariako Udalak. Ekitaldia datorren asteartean izango da, martxoaren 29an, udal aretoan, 19:30etik aurrera. Bertan, hainbat euskal kirolari olinpikok hartuko dute parte: Mikel Odriozola atletak, Leire Olabarria txirrindulariak, Ainhoa Murua triatletak eta Iñaki Lejarreta mendiko txirrindularia. Moderatzaile ardura Kepa Iribar kazetari eta esatari getariarrak hartuko du.