Zumaiako herritar guztiak landaketak egitera gonbidatuta daude, herrigunetik oso gertu dagoen eremuan. Udalak eskainitako egitarauaren arabera, elkartzeko puntua Ignazio Zuloaga plazan zehaztu da eguerdiko 12:00tan. Trikitilarien laguntzarekin Foronda aldera abiatu eta 12:30ean, zuhaitz espezie ezberdinak landatzeko aukera eskainiko da. Basozainaren azalpenak jarraituz, bertako espezieen landaketa burutuko da, haur zein helduen parte-hartzearekin. Herriko naturgune honetara hurbildu eta aurreko urteetan landatutako zuhaitzen jarraipena egin ahal izango da. Amaieran, mokadutxoa banatuko da parte-hartzaileen artean, eta hondakinak murrizte aldera bakoitzak bere kantinplora ekartzea gomendatzen da.