http://www.youtube.com/watch?v=D112IyHI6mw
Sei-Gurpil txaranga hasi da girotzen getariarrak mozorroaren festa, eguerdian. Herriko plazatik abiatuta, kalez kale ibili dira pieza dantzagarriekin jendea festetan barneratzen. Apurka-apurka gero eta gehiago izan dira kalera mozorrotuta ateratzen hasi direnak, nahiz eta gehiengoa haurrak eta gazteak izan. Aurki, 14:30ean, herri bazkaria egingo dute Berdura Plazan. Arratsaldean, haurren mozoro desfilea eta sari banaketa egingo dute. 19:30tik aurrera, musikaz lagunduriko poteoa egiteko aukera izango da.
