Inauteriei hasiera eman diote zarauztarrek ere. Une honetan ginkana erraldoiaz gozatzen ari dira gaztetxoak, hamaika mozorroz jantzita eta kolorez makilatuta, Musika Plazan. Gaztetxoekin batera, gurasoak eta helduak ere kalera irten dira euren mozorroak erakustera: piratak, sorginak, andaluziarrak, superheroiak, animaliak… Arratsaldetik aurrera mozorren kalejira nahiz lehiaketa, Clowntucada perkusio taldea eta dantzaldia izango dira.
