Laugarren urtez Enpresa Berrien Lehiaketa jarri du martxan Urola Kostako Udal Elkarteak, Urola Kostan Ekin 2011. "Kultura ekintzailea bultzatzeko" asmoz antolatzen dute lehiaketa hau, eta eskualdeko enpresa ideia berritzaileak eta originalak saritu nahi dituzte. Aurten, iaz baino sari handiagoak izango dira (1.sariak 2.000 euro; 2. sariak 1.500 euro; 3.saria 1.000 euro).
Lehiaketak bi atal izango ditu. Batetik, eratuta dauden edo sortzear diren enpresak sarituko dituzte. Bestetik, eskualdeko ikastetxeetako ikasleen enpresa-ideiak sarituko dituzte. Proiektuak aurkezteko azken epea apirilaren 15a izango da eta argibide gehiago www.urolakosta.org webgunean aurki daiteke.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide