Abdelhak Sabhi marokoarra helmugan. Argazkia: Gorka Zabaleta
Aithadi Yunnesen marka (30:21) bikaina hiru segundotan (30:18) ontzeko gauza izan da gaur Abdelhak Sabhi marokoarra, ibilbide berrituari estreinaldi ezin hobea emanez. Emakumezkoetan Eseynat Misganaw etiopiarra izan da azkarrena –Ainhoa Muruaren errekorretik bost segundora gelditu da–. Zumaiarren artean, Jokin Redondo izan da lehen gizonezkoa eta Sonia Albarez lehen emakumezkoa. Euria gogotik egin duen arren, 521 lagunek hartu dute parte.