Eguraldi aparta lagun, giro ezin hobea izan zen igandean, otsailaren 20an, Lardizabal Eskolako Gurasoek antolatutako Talo Egunean. Iazko edizioan baino jende gutxixeago hurbildu bazen ere, antolatzaileak gustura agertu dira igandeak emandakoarekin. Guztira, guraso elkarteko kide nahiz bestelako herritarrek egindako 200 bat talo saldu zituztela uste dute –ez baitituzte kontatzen–.
Egunak utzitako sosak guraso elkartearentzat izaten dira, bestelako ekimenak antolatzeko: irteerak, pailazo emanaldiak, gurasoentzako formazio ikastaroak…
