Hemendik hiru hilabetetara udal eta foru hauteskundeak ditugu eta Zumaiako Udal Gobernua osatzen duten EA-k eta Ezker Abertzaleak hauteskunde kanpaina hasi dute. Azken asteetan gobernukideen aldetik ikusten ari garenak horrela adierazten du: gehiegikeriak, gezurrak eta manipulazioak oposizioko alderdien aurka, eta, beti bezala, bereziki, Eusko Alderdi Jeltzalearen aurka. Nabarmen geratzen ari da zein larri eta estu dabiltzan lau urtetako udal kudeaketa kaskarra eta gero. Herriari aurkezteko ezer gutxi dute, eta horren jakitun, txipiroi tinta botatzea okurritu zaie, ea horrela despistatzen dituzten zumaiarrak.