2011rako udal aurrekontuen txostena prest du Udal Gobernuak datorren astean plenoak bozka ditzan. 2010ekoarekin alderatuz, %10 jaistea proposatu du Udal Gobernuak, 1,4 milioi euro gutxiago gastatzea –2010ekoa: 12.905.061/ 2011koa: 11.503.331 (-%10,86)–. "Krisi garaian gaude eta arduraz jokatu nahi izan dugu", adierazi dute Iñaki Agirrezabalaga alkateak eta Andoni Etxaniz alkarteordeak. Hala ere, murrizketak herritarrengan eraginik ez izatea izan omen dute lehentasun: "Krisia ez dute herritarrek ordaindu behar".