Zestoako Udalak jakinarazi duenez herriko familia ugariek Hiri Ondasunen Gaineko Zergari dagokion hobaria (deskontua) eska dezakete. Otsailaren 28a izango da eskaera horiek egiteko azken eguna eta familiek honako agiriak aurkeztu beharko dituzte: familia ugariaren ziurtagiria, Gipuzkoako Foru Aldundiak emana; diru-sarreren egiaztagiria (azkena); eta etxebizitza bakarraren jabe izatearen zinpeko agiria (udaletxean eska daiteke eredua).