Aste honetan lotuko dituzte iazko azaroaren 28ko lur-jauziaren ondorioz Getaria eta Zumaia
arteko errepide ondoan askatutako mendi zatiak. Solte geratu ziren zati horiek finkatzeko 10 metro luze diren torlojuak edo ainguraketa-baloiak baliatuko dituzte. Eta lanak egin ahal izateko inoizko garabi altuena erabiliko du Foru Aldundiak; 500 tonakoa.
Izan ere, lanaren orain arteko faseak burutzeko erabili dituzten garabiak txikiegiak dira hala altueran lan egiteko. Abenduan zehar Aldundiak bi bankada finkatu ditu, 150-200 tonako bi garabi baliatuz. Eta geruza finenetan porlana jarri ditu, 25 zentrimetro lodierako geruza.
Aldunditik jakinarazi dutenez, aste honetan dira finkatze lanak amaitzekoak. Ondoren, lur-jausiak mugitu zuen pantaila dinamikoa jartzeari ekingo diote.