«Ika ika ika! hemen dator korrika!» leloa ozen aldarrikatuko dute aurten ere getariarrek. Bi urteroko ohiturari jarraituz AEK-k Korrika antolatu du apirilerako. Aurtengoa 17. Korrika izango da, apirilaren 7an hasiko da Trebiñun eta 17an bukatuko da Donostian, kostako herrietatik 17an bertan, goizaldean, igaroko da. AEK-koak hasi dira dagoeneko euskararen festa antolatzeko lanean eta herri-batzordeak datozen egunetan aurkeztuko dituzte eskualdean. Getarian asteazkenean egingo dute aurkezpena 18:00etan Getariako Eskualtxeta etxean.