Orioko Udaleko Ekintza Ekonomikoetako eta Enpleguko batzordeak, enpresa bat sortzeko lehenengo urratsei buruzko ikastaroa antolatu du. Jarritako epean jende gutxik eman du izena eta Udalak erabaki du urtarrilaren 28ra arte epea luzatzea.
Ikastaroan jorratuko dituzten gaiak honakoak izango dira:
-
Ideiak eta sormena lantzeko teknikak
-
Ideietatik ekintzetara
-
Ekintzaile izaera lantzen: ideien errentagarritasuna eta merkatua
-
Enpresa motak
-
Enpresa proiektuaren ildoak: izena eta jarduera, eraketa juridikoa, merkatuaren egoera eta ikerketa, gestioaren kontzeptuak, diru-laguntzak eta dokumentazio administratiboa.
Ikastaroan izena emateko, udaletxeko bulego orokorretara jo behar da nortasun-agiriaren kopiarekin. Langabezian daudenek langabetu-txartelaren kopia ere aurkeztu beharko dute. Ikastaroaren prezioa 30 eurokoa izango da eta behin taldea osatu eta ikastaroa hasteko momentuan ordaindu beharko da. Langabetuek doan egin ahal izango dute ikastaroa. Eskolak astelehenetik ostiralera izango dira, arratsaldez: 17:00etatik 19:30era. Taldea osatuz gero, otsailean izango dira eskolak, ikastolako informatika gelan.