Astean kofradia berriaren inaugurazio ekitaldian egin bezalaxe gaur, larunbata, Orioko kirol portuko langile kaleratuei elkartasuna adieraziz kontzentrazioa egin dute kirol portuan hainbat senide eta lagunek langile-ohiekin batera.
Lanik gabe utzi dituzten lau langileren kaleratzearen kontrako protesta izan da eta pankarta atzean elkartu eta EKP Despidorik ez, subrogazioa orain leloa idatzita zuten papertxoak bota dituzte.
Ostegunean izan zen epaiketa eta duten diru kopuruak konbenioan eskatutakoari aurre egiteko nahikoa ez dela argudiatuz ez diete langileei inolako irtenbiderik eman. Beste hainbat demanda ere aurkeztu dituzte eta haien erantzunik jasoko duten zain daude orain.