Datorren igandean, urtarrilaren 16an, San Anton bezpera izanik, Aian herri kirol jaialdia izango da Aiako Idi Probak elkarteak antolatuta eta Udalaren babesarekin.
Eguerdiko hamabietan izango da hitzordua plazan eta herriko bi gazte taldek jardungo dute elkarren aurka. Ergometroan, trontzan eta korrika ibiliko dira nor baino nor.
Kirol saioaren ondoren, ahari jokoak ikusteko aukera izango dute gerturatzen direnek.