Itxaso Urtiagak gaur eguerdian deklaratu du Madrilen astearte goizaldetik inkomunikatuta egon ondoren eta fiantzarik gabe askatu dute gaur 14:20 inguruan.Azken egunotan tratu txar psikologikoak jasan dituela deklaratu du epailearen aurrean. Iraitz Gesalaga Tximas, bestalde, Seyyseseko (Frantzia) espetxean sartu dute preso, goizean prokuradorearen aurrera eraman ostean. Astelehenean izango du euroagindu audientzia eta astelehenean aztertuko da bere abokatuek egingo duten askatasun eskaera ere. Gaur goizean jakinarazi diote euroagindu eskaera bat duela.Printzipioz Frantzian ez dago bere aurkako ekinbide juridikorik. Jarraipenerako gailua AAMk jakinarazi duenez, Gesalagak orain dela aste gutxi jarraipenerako eta kontrolerako gailu bat aurkitu zuen bere autoan, eta egun hauetan salaketa jartzekotan zen horregatik. “Beraz jakitun zen polizia atzetik zuela, baina hala ere bizitza publiko egiten jarraitu zuen, bere eguneroko lanean informatikari bezala, bere izenean alokatua zuen etxean biziz. Hainbat komunikabidek poliziak hilabeteotan Iraitzen bila zebilela zabaldu du, baina argi dago poliziak ondo kontrolatua zuela Iraitz, jarraipenerako gailu honek erakusten duen bezala”. Datorren astean, gailuaren inguruko argibide gehiago emango dituztela adierazi dute AAMko kideek . “Polizia ere jakitun zen Iraitzek gailua aurkitu zuela, kendu egin zuelako. Salaketa jartzekotan zen egunetan atxilotu zuten”. Atxiloketaren harira, Espainiako Gobernuak Donostian duen ordezkaritzan Itsaso Urtiagaren atxiloketa eta inkomunikazioa salatu, Urtiagak inkomunikatuta dagoen bitartean jaso dezaken tratuaren [...]
Urtarrilaren 25ean hartuko du Frantziak Iraitz Gesalaga Tximas-en kontrako euroaginduaren inguruko erabakia. Ordura bitartean gazte zarauztarra aske uzteko eskatu du abokatuak, eskaera Espainiako Auzitegi Nazionalarena dela argudiatuz, baina epaileak atzera bota du. Beraz, Toulouseko espetxean egon beharko du zarauztarrak ordura arte. Gaur igaro da epailearen aurretik Gesalaga. Senideekin egoteko aukera ere izan du, baita herritik ateratako autobusean heldu diren lagunekin eta Ziburuko adiskideekin ere.
Azken gertakariei inguruko prentsaurrekoa emango dute bihar Ziburun, baina ordua eta lekua zehazteke dago oraindik.
Ostiralean ‘Tximas askatu. Euroagindurik ez’ lemapean, manifestazioa egin zuten herritarrek herriko kaleetan zehar. Jakinarazi dutenez, 315 bat pertsona bildu ziren bertan. Manifestazioa “lasaia” izan bazen ere, Ertzaintzaren presentzia “nabarmena” izan zela azaldu zuten bertaratu zirenek. Aurrez elkarretaratzea egin zuten, “ohi baino jendetsuagoa”.
Jarraipenerako gailua
AAMk jakinarazi duenez, Gesalagak orain dela aste gutxi jarraipenerako eta kontrolerako gailu bat aurkitu zuen bere autoan, eta egun hauetan salaketa jartzekotan zen horregatik. “Beraz jakitun zen polizia atzetik zuela, baina hala ere bizitza publiko egiten jarraitu zuen, bere eguneroko lanean informatikari bezala, bere izenean alokatua zuen etxean biziz. Hainbat komunikabidek poliziak hilabeteotan Iraitzen bila zebilela zabaldu du, baina argi dago poliziak ondo kontrolatua zuela Iraitz, jarraipenerako gailu honek erakusten duen bezala”. Datorren astean, gailuaren inguruko argibide gehiago emango dituztela adierazi dute AAMko kideek . “Polizia ere jakitun zen Iraitzek gailua aurkitu zuela, kendu egin zuelako. Salaketa jartzekotan zen egunetan atxilotu zuten”.
Gesalaga aurreko asteko asteartean atxilotu zuten Ziburun, ETAren aparatu informatikoarekin lotura izatea egotzita. Egun berean atzeman zuten Itxaso Urtiaga gazte zarauztarra ere, Zarauzko Vista Alegre auzoan. Urtiagak inkomunikatuta deklaratu zuen Espainiako Auzitegi Nazionalean ostiralean, eta aske utzi zuten.
Atxiloketen bideoa:
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide