Inaxio Manterolak irabazi du Bota bertso bat! lehiaketa

Bota bertso bat! lehiaketaren baitan, 50 bertsotik gora jaso ditu Zumaiako Bertso Eskolak herriko tabernetan eta beste toki batzuetan jarritako kaxetan. Epaimahaikoen ustez, Inaxio Manterolak egindakoa izan da eta aipamena merezi izan duten bertsoak ere izan dira, bestalde, Mariaxun, Piru, Iñaki Goñi eta Itxaso Urkidirenak. Talaia jatetxean atzo gauean egindako bertso afari jendetasuaren tartean eman zion saria Amets Arzallusek Inaxio Manterolari; bi lagunentzat afaria Talaipe jatetxean. Jarraian, Inaxio Manterolak bertsoa abestu zuen, jendearen laguntzarekin. Izan ere, bertso onena, aipamenak eta beste hainbat biltzen dituen koadernotxoa prestatu du Bertso Eskolak eta afalkideei banatu zitzaien. Kaxak egon diren tabernetan badaude ale batzuk eskura. BERTSO IRABAZLEA Doinua: Zeru altuan zegoen jaunak (Xabier Lete) Gaur eguneko Euskal Herria mundu globalaren PARTE Itxurak, modak, ergelkeria bihurtu zaizkigu KATE bizi gerade gizalegetik urruti eta APARTE erantzuteko galdera zaila: memokrazia NOIZ ARTE?