Getariako VIII. Gazte eta Helduen Binakako Pilota Txapelketako finalak jokatuko dituzte bihar goizean. Guztira, hiru partida jokatuko dira 11:00etatik aurrera, herriko frontoian; eguraldi txarra izanez gero, kiroldegian neurtuko dituzte indarrak pilotariek. Kopako finalean, Juan Luis Urresti – Erramun Aranguren Jon Goenaga – Ibon Etxeberriaren aurka lehiatuko dira. Ligako hirugarren eta laugarren posturako, Josu Alberdi – Josu Iribar eta Mikel Garrastazu – Garikoitz Manterola ariko dira aurrez aurre. Ligako finalean, azkenik, Oier Iribar – Beñat Etxabe bikotearen eta Joseba Esnal – Eneko Esnal anaien artean jokatuko dute txapela.