Udalak saldutako hiru partzela horietan babes ofizialeko 137 etxebizitza eraikiko ditu Jaurlaritzak, horietako 84 alokairuzkoak. Udalak, Zumaia Lantzenen bitartez, babestutako beste 148 etxebizitza eraikiko ditu bere esku gelditu diren beste hiru partzeletan. Dena ondo bidean, udaberri-uda aldera hasiko dira lanak, eta zozketa 2011ren amaiera aldera egin daitekeela aurreratu dute udal arduradunek.